Самарқанд вилоятида икки кишини хорижга ишга жўнатишни ваъда қилиб улардан жами 6,5 минг АҚШ доллари миқдорида пул олиб, алдаб кетган фуқаро ҳибсга олинди. Бу ҳақда Ички ишлар вазирлиги ахборот хизмати хабар қилди.
Хабарга кўра, 2020 йилнинг 22 май куни Самарқанд шаҳар Ички ишлар органлари фаолиятини мувофиқлаштириш бўлими ҳузуридаги тергов бўлимидан фирибгарлик ҳолати қайд этилгани ҳақидаги ҳужжатлар келиб тушган. Уларга кўра, 2019 йил август ойидан сентябрь ойигача бўлган вақт оралиғида Навоий шох кўчасидаги уйларнинг бирида яшовчи, нафақахўр Х.Х. уйида Ургут тумани «Узум» маҳалласида яшовчи Ш.Х. ва «Қўшмачит» маҳалласида яшовчи М.М.нинг ўғли У. Х.ни Австралия давлатига ишлашга юборишда ёрдам беришга ваъда беради. Фирибгарлик йўли билан Ш.Х.дан 3 минг АҚШ доллари ҳамда М. М.дан 3,5 минг АҚШ долларини олиб, берган ваъдасини бажармай, пулларни ўз эҳтиёжларига ишлатиб юборган.
Кўрилган тезкор чоралар натижасида Х.Х. ҳуқуқ-тартибот идоралари ходимлари томонидан ушланган.
21 май куни Х.Х.га нисбатан Ўзбекистон Республикаси Жиноят кодексининг 168-моддаси 3-қисмига (Фирибгарлик) асосан жиноят иши қўзғатилган. Тергов Самарқанд ички ишлар бўлими томонидан олиб борилмоқда, дейилган хабарда.
Мавзуга доир:
- Бекободда бозор назоратчисидан минг доллар талаб қилган товламачи блогер қўлга тушди
- Олмалиқда 2 нафар фуқарони ишга олиб киришни ваъда қилиб, улардан 3 минг АҚШ доллари талаб қилган фирибгар қўлга тушди
- Наманганда сохта ДХХ ходимларининг бир фуқарони қўрқитиб 150 минг доллар пулни олиб қўйгани фош бўлди (видео)
Изоҳ (0)