Ўзбекистонда 2020 йил 24 май соат 23:00 ҳолатига кўра коронавирус инфекцияси қайд этилганлар сони 14 кишига ошди ва 3164 нафарни ташкил этмоқда. Бу ҳақда Соғлиқни сақлаш вазирлиги хабар қилган.
Хабарга кўра янги касалланиш ҳолатларининг 8 таси Самарқанд вилоятида, 2 таси Тошкент вилоятида, 4 таси эса карантин марказида (Қозон–Тошкент йўналишидаги чартер рейс билан келган ва карантинга олинган) аниқланган.
Ўзбекистонда коронавирус инфекциясига чалинган 2565 нафар фуқаро касалликдан соғайган, 586 нафар бемор даволанишни давом эттирмоқда, 13 нафар бемор эса коронавирус инфекцияси асоратлари оқибатида вафот этган.
Аввал 24 май соат 16:00 ҳолатига кўра, коронавирус инфекцияси қайд этилганлар сони 18 кишига ошиб, 3150 нафарга етгани хабар қилинганди.
Изоҳ (0)