Америка — имкониятлар юрти, лекин бу юлдузлар у ерда яшашни орзу қилади дегани эмас. Етарлича машҳурликка ва шуҳратга эришган инсонлар бу масканни фақат иш ва бизнес билан боғлайди, яшаш учун эса дунё харитасининг бошқа бир нуқтасини танлайди. Қуйида Америкада яшашдан бош тортган ва АҚШни тарк этган актёрлар рўйхати тузилган. Уларнинг баъзилари фарзандлари туфайли бу йўлни танлаган бўлса, баъзилари сиёсий позицияси сабаб мажбур бўлган, бошқалари эса тинч жойларда яшашни истаган.
Крис Ҳемсворт
Актёр Голливуд уни машҳур қилганини тан олса-да, Америкада ҳамма нарса бизнесга асослангани сабаб у ерда яшай олмаслигини таъкидлайди. Тинчлик ва осойишталикни хуш кўрадиган Крис, турмуш ўртоғи ҳамда уч нафар фарзанди билан Австралиянинг Байрон-бей шаҳрига кўчиб кетган.
Линдси Лоҳан
Кўпчилик Америкага ҳаммасини нолдан бошлаш учун борса, Линдси ҳаётини янгидан бошлаш учун тарк этган. Нью-Йоркда яшаган вақтларидаги, алкогол, гиёҳванд модда ва қонун билан боғлиқ муаммоларни унутишни истаган Лоҳан, бугунги кунда Дубайда истиқомат қилиб, меҳмонхона бизнеси билан шуғулланади. Актриса, кўчиб кетганидан кейин, Америка телевидениеси ва сариқ нашрлари унинг асабларини қанчалик тамом қилганини тушуниб етганини таъкидлайди.
Жорж Клуни
Жорж Кентуккида туғилганига қарамасдан, ўзини Британия менталитетига яқин деб ҳисоблаган. Амаль Аламуддин билан турмуш қургач яшаш учун Буюк Британияга кўчиб келган актёр, рафиқаси билан бирга янги мамлакатда ўзини мутлақ бахтли ҳис қилишини таъкидлайди. Жуфтлик, иш ёки хайрия тадбирлари юзасидан қўшма штатларга тез-тез бориб туришига қарамай, у ерда яшашни истамаслигини билдиради.
Кевин Спейси
Оскар мукофотининг икки карра лауреат бўлган Кевин, 2003 йилда Лондонга кўчиб келган. Актёр Американи тарк этганидан кейин дунёқараши буткул ўзгарганини таъкидлайди.
Жет Ли
Томошабинларга Жет Ли сифатида маълум бўлган Ли Ляньцзе, нафақат қўшма штатларни тарк этган, балки Америка фуқаролигидан воз кечган актёрлардан бири ҳисобланади. У фарзандлари келиб чиқишини эсдан чиқармаслиги ҳамда америкалик бўлиб вояга етмаслиги учун оиласи билан Сингапурга кўчиб кетган.
Жонни Депп
Актёр, сайловолди жараёнларда Трампга қарши чиққан ва у президент бўлганидан кейин Американи тарк этган. Кентуккида дунёга келиб, Калифорнияда вояга етган, ҳаётининг асосий қисмини Францияда ўтказган Жоннининг, ҳозирги кунда Англияда уйи ва Багама оролларида шахсий ороли бор.
Мадонна
Хонанда Гай Ричига турмушга чиққанидан кейин Британияга кўчиб кетган. Англияни иккинчи уйи деб ҳисоблаган Мадонна, режиссёр билан ажрашгач у ерни ҳам тарк этган ва 2017 йилдан бери Лиссабонда истиқомат қилади.
Ҳью Жекман
Келиб чиқиши австралиялик бўлган актёр, Голливудни забт этганидан кейин она юртига қайтишни маъқул билган. У ва турмуш ўртоғи Деборра Ли-Фёрнесс, фарзандларини Америкадан кўра Мелбурнда яшашини афзал деб билади. Жекман австралияликлар, америкаликларга қараганда содда ва тўғри сўз эканини, шунингдек, атрофда океанлар бўлган ерда инсон ўзини эркин ва бахтли ҳис қилишини таъкидлайди.
Изоҳ (0)