Машҳурлар орасида ҳам феъл-атвори турли ва принципли кишилар бўлади. Кимлардир замон билан ҳамнафас бўлишни, ижтимоий тармоқларда ҳаётларини кўз-кўз қилишни ёқтирса, бошқалар телефон тутмасликни афзал билади. «Ru.tv» телефон тутишни хушламайдиган юлдузлар кимлар эканига тўхталди.
Тайра Бэнкс
46 ёшлик супермоделнинг телефон тутмаслиги вақтнинг кераксиз нарсаларга сарфланиши билан боғлиқ. Тайра зарур бўлмаса ҳам ижтимоий тармоқларда беҳуда вақт ўтказаётганини, вақт ўтиб телефонга қарам бўлиб қолаётганини тушуниб етганидан кейин телефон тутмасликка қарор қилган. Ижтимоий тармоқдаги саҳифалари ассистентлари томонидан юритиладиган бир вақтда Бэнкс хоним вақтини виртуалликка сарфламасдан ҳаётдан завқ олишга бағишлаган.
Кейси Аффлек
Актёр шахсий ҳаётини кўз-кўз қилишни истамайдиганлардан. У ижтимоий тармоқдан фойдаланиш, унга расм жойлашдан маъно кўрмайди. Телефон саломатликка зарарлигига амин бўлган Аффлек смартфонини океанга ташлаб юборган ва шундан бери телефондан фойдаланмайди.
Элтон Жон
Хонанда интервьюлардан бирида ҳали бирон марта ҳам телефон тутмаганини тан олган. Жон билан телефон орқали тўғридан-тўғри боғланиб бўлмайди, қўнғироқларга менежери жавоб беради. Интернет ва компьютер ҳақида-ку гапирмаса ҳам бўлаверади. Интернетдан фойдаланиш зарар, деб фикрловчи Элтон жаноблари уни 5 йилга ёпиб қўйишни таклиф қилган, ҳатто.
Жонни Депп
Киноматографиянинг «қароқчиси» бўлган Депп виртуал мулоқотни, хусусан, қўнғироқлар, узундан-узун SMS хабарларни хушламайди. У ҳаётида гаджетлар ва ижтимоий тармоқларга ўрин йўқ эканини таъкидлаган. Лекин сал аввалроқ актёр томонидан Instagram’да саҳифа очилган ва унинг виртуалликни ёқтирмаса-да рўйхатдан ўтганига ажабланган кузатувчилар сони 2 кун ичида 3 миллионни ташкил қилган. Ёлғизликни маъқул кўрувчи ва ижтимоий тармоқларни жини суймайдиган Депп принципларини ўзгартиришига коронавирус туфайли эълон қилинган карантин сабабчи бўлган.
Мавзуга доир:
Изоҳ (0)