Давлат хафсизлик хизматининг бир гуруҳ ходимлари Сардоба фалокати юз берган 1 майдан бери Мирзаобод, Оқолтин ва Сардоба туманларида олиб борилаётган қидирув-қутқарув ва бошқа ташкилий ишларида қатнашмоқда.
Жумладан, Мирзаобод туманида тошқиндан зарар кўриб, кейинчалик қайтиб келган 160 фуқаро билан боғлиқ озиқ-овқат муаммоси юзага келгани аниқланиб, туман ҳокимлиги билан ҳамкорликда саккиз турдаги озиқ-овқат маҳсулотлари кечиктирилмасдан тарқатилган.
Бундан ташқари, Сардоба туманининг «Юртдош» маҳалла фуқаролар йиғинидаги 50 та хонадонда яшовчилар ишчи гуруҳга ичимлик суви етказиб берилмаётганлиги ҳақида мурожаат қилган. Ушбу муаммо туман «Сувоқава» бошқармаси ходимларини жалб қилган ҳолда тезда имконият даражасида ижобий ҳал этилган.«Навбаҳор» маҳалла фуқаролар йиғинида яшовчи Х.Шарипова «Баҳористон» маҳалласига эвакуация қилинган 126 нафар маҳалладошига 11 майдан буён озиқ-овқат маҳсулотлари берилмаётгани, уларга дори воситалари ҳам зарурлигини маълум қилган.
Мавзуга доир: Фотогалерея: Сардоба фалокати оқибатларини бартараф қилиш бўйича ҳарбийлар томонидан амалга оширилаётган ишлар
ДХХ ходимларининг ташаббуси билан Сирдарёга Фарғонадан 1000 жуфт, Андижондан 5000 жуфт, Тошкент вилоятидан 4000 жуфт оёқ кийим ва 1000 жуфт резина этик олиб келиниб, Мирзаобод туманидаги «Навбаҳор», «Ҳақиқат», Сардоба туманидаги «Шодлик» ва «Саховат» маҳаллаларида яшовчи фуқароларга бепул тарқатилган.
Мавзуга доир: Бош прокуратура: «Сардоба фалокати юзасидан жиноят иши бўйича 4 та тергов версияси кўриб чиқилмоқда»
Шунингдек, қурилиш ишлари олиб борилаётган объектларда электр энергияси таъминланмаганлиги аниқланиб, ДХХ ходимлари томонидан туман ҳокимлиги орқали движок ўрнатилиб, масала ўз ечимини топган.
Изоҳ (0)