Чет мамлакатларда оғир аҳволда қолган яна 12 минг нафар Ўзбекистон фуқаросига тегишли ёрдам кўрсатиб, уларни Ватанга олиб келиш чоралари кўрилмоқда. Бу ҳақда Президент Шавкат Мирзиёев 19 май куни бўлиб ўтган видеоселектор йиғилишида маълум қилди.
Дунёда коронавирусга чалиниш даражаси ҳали жуда юқори бўлиб қолмоқда. 12 мингдан кўпроқ юртдошларимиз чет элда, оғир аҳволда қолганини инобатга олиб, фуқароларимизни олиб келиш жараёни бошланди. Минг афсус, қайтариб олиб келинганларнинг кўплари касалликка чалинганлиги аниқланмоқда.Аввалроқ 19 майдаги видеоселектор йиғилишида давлат раҳбари «ҳозиргача 39 минг нафар юртдошимизни» чет элдан олиб келинганини маълум қилгани ҳақида хабар берилган эди. Қайд этиш жоиз, Президент топшириғига асосан 18—19 май кунлари Россия—Қозоғистон чегарасида тўпланган 1100 фуқаро Ўзбекистонга олиб келинган эди.Шавкат Мирзиёев, Ўзбекистон Президенти
Маълумот учун, май ойининг биринчи декадаси охиридан бошлаб хорижда оғир аҳволда қолган ўзбекистонликларни Ватанга қайтариш бўйича навбатдаги жараён бошланди. Шу билан бир вақтда Ўзбекистонда коронавирус инфекциясини юқтириб олган шахслар сонининг ўсиши кузатилмоқда.
Хусусан, 8 май куни 27 та, 9 май куни 24 та касалланиш ҳолати аниқланган бўлса, 10 май куни 69 та, 11 май куни 68 та ҳолат қайд этилди. 20 май куни эса май ойидаги энг юқори кўрсаткич қайд этилди — коронавирусга чалинган 84 бемор аниқланди. ССВ маълумотларига кўра, уларнинг 54 нафари хориждан олиб келинган фуқаролардир.
Изоҳ (0)