«Барселона» ёзги трансферлар вақтида жамоанинг франциялик ҳимоячиси Самюэль Умтити билан хайрлашишни режалаштирган, деб хабар бермоқда «Sport.es».
Таъкидланишича, «Барселона» футболчисини 30 миллион еврога баҳолаган. Ушбу маблағдан кам таклифлар кўриб чиқилмайди. Умтитининг ўзи ҳозирча Каталония клубидан кетиш ниятида эмас. Аммо кетган тақдирда ҳам Англияга йўл олишни маъқул кўриши таъкидланмоқда. Унинг хизматларига эса «Арсенал» ҳамда «Манчестер Юнайтед»дан қизиқишлар бор.
Маълумот учун, Умтити 2016 йил ёзида «Лион»дан «Барселона»га 25 миллион евро эвазига ўтган эди. Жорий мавсум футболчи клуб сафида Ла Лига доирасида 11 та ўйинда майдонга тушиб, тўрт марта ҳакамлар томонидан огоҳлантириш олган.
Умтити карантиндан кейинги илк машғулотда жароҳат олди ва 2-3 ҳафтага сафдан чиқди.
Мавзуга доир: «Барселона» ёзда 8 нафар футболчиси билан хайрлашмоқчи
Изоҳ (0)