UFC президенти Дэйна Уайт промоушеннинг кейинги мусобақаси 30 май куни Лас-Вегасда бўлиб ўтишини маълум қилди.
Невада штати атлетика қўмитаси штат ҳудудида спорт мусобақаларини ўтказишга ҳали рухсат бергани йўқ. Бироқ Уайтнинг сўзларига кўра, комиссия Лас-Вегасда томошабинларсиз мусобақа ўтказиш фикрини тўлиқ қўллаб-қувватлайди.
Аввалроқ UFC бир ҳафта ичида учта мусобақа ташкил қилган эди: UFC 249 кечаси 10 май куни (Тошкент вақти билан) бўлиб ўтган бўлса, 14 майда UFC Fight Night 171 ва 17 май куни UFC Fight Night 172 мусобақалари ўтказилди. Уларнинг барчасига Жексонвилл шаҳри (Флорида штати, АҚШ) мезбонлик қилди.
30 май кунги UFC кечасида собиқ чемпион Тайрон Вудли ва Гильберт Бёрнс ўртасида жанг бўлиб ўтиши тахмин қилинмоқда.
Изоҳ (0)