АҚШда сўнгги бир суткада коронавирусга чалиниш бўйича 23 мингдан ортиқ янги ҳолат қайд этилди, 1500 нафардан ортиқ бемор вафот этган. Бу ҳақда Жонс Ҳопкинс университети маълумотларига таяниб, «РИА Новости» хабар берди.
Университет маълумотларига кўра, сўнгги суткада COVID-19 билан касалланиш бўйича АҚШда 23 285 та янги ҳолат аниқланган, бир кун аввал эса бу кўрсаткич 20 260 кишини ташкил қилган.
Сўнгги 24 соат ичида 1518 киши коронавирус қурбонига айланган, бир кун аввал эса 1574 киши касаллик оқибатида вафот этган.
Эпидемия бошланганидан буён АҚШда коронавирус билан 1 551 853 киши касалланган, 93 439 киши касаллик оқибатида қурбон бўлган. Касалликдан тузалганлар сони 294 минг кишидан ошган.
Аввалроқ АҚШ давлат котиби Хитой пандемияга қарши кураш учун 9 триллион доллар ажратиши кераклигини айтганди. Трамп эса коронавирус сабаб бразилияликларнинг АҚШга киришини тақиқлаб қўйиши мумкинлиги маълум қилинди.
Изоҳ (0)