Украина хавфсизлик хизмати 773 миллион почта манзили ва 22 миллион паролни 2019 йил январь ойида ошкор қилган хакерни қўлга туширди. Ўғирланган маълумотлар базаси ошкор бўлиши энг катта ва шов-шувли ишлардан бирига айланган эди.
Saniх ники остида ишлаган хакер Ивано-Франковск вилоятида рўйхатга олинган. Унинг компьютеридан 2 терабайт ўғирланган ахборот, шунингдек, 190 минг гривен ҳамда 3 минг АҚШ долларидан кўпроқ маблағ ашёвий далил сифатида олинган.
«Хакер бу пулларни ноқонуний фаолияти орқасидан ишлаб топган», – деган Украина хавфсизлик хизмати вакили.
УХХ берган маълумотлар бўйича украиналик хакер 2019 йил январда эълон қилинган манзиллар базаси ва паролларни пулламоқчи бўлган. Бу базада у эгалик қилаётган маълумотларининг жуда кам қисми киритилган. Хакернинг ихтиёрида бу каби базалардан камида 7 таси мавжуд бўлган, уларда шахсга доир маълумотлар, жумладан, Европа Иттифоқи ҳамда Шимолий Америкада яшовчи одамлар ҳақидаги ахборотлар бўлган.
Изоҳ (0)