Дортмунднинг «Боруссия» клуби ярим ҳимоячиси Марко Ройс уч ой аввал сон мушакларидан олган жароҳати сабаб мавсумнинг қолган қисмини ўтказиб юбориши мумкин.
Sport Bild нашрининг хабар қилишича, германиялик футболчи «Вольфсбург» (23 май) ва «Бавария»га (26 май) қарши кечадиган баҳсларда дортмундликларга ёрдам бера олмайди. Бундан ташқари Ройс мавсум охиригача майдонга қайтмаслиги ҳам мумкин.
Ройс 2012 йилдан буён «Боруссия»да тўп тепиб келади. Жорий мавсум 30 ёшли футболчи Бундеслигада 19 ўйин ўктазиб, 11 гол ва 6 та самарали муаллифига айланди. Дортмунд жамоаси Германия чемпионати 26-туридан сўнг 54 очко билан 2-ўринда бормоқда ва пешқадам «Бавария»дан 4 очко ортда қолган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)