Тошкентда 19 май куни 24 нафар бемор коронавирусдан соғайиб, реабилитацияга кузатилди, деб хабар бермоқда ССВ матбуот хизмати. Уларнинг 7 нафари Эпидемиология, микробиология ва юқумли касалликлар илмий-текшириш институти клиникасидан, 17 нафари Вирусология илмий-текшириш институти клиникасидан соғайиб чиққан.
Вирусология илмий-текшириш институти клиникасидан тузалганларнинг 8 нафари эркак, 9 нафари аёл бўлиб, 11 нафари Тошкент вилоятидан, 2 нафари Тошкент шаҳридан, 1 нафардан Самарқанд, Сирдарё, Хоразм ва Сурхондарё вилоятларидан. Уларнинг 13 нафари коронавирус инфекциясига чалинганлар билан мулоқот орқали касалликни юқтириб олган. 1 нафари Шаржа—Тошкент йўналишида, яна 1 нафари Санкт—Петербург—Тошкент йўналишида чартер рейслари билан, 1 нафари Тожикистондан, яна 1 нафари эса Россиядан Қозоғистон орқали келган ва карантинга олинган. Коронавирус аниқлангач, шифохонага ётқизилган. Беморлар орасида ёши каттаси 47 ёшда бўлса, энг кичиги 14 ёшда.
Эпидемиология, микробиология ва юқумли касалликлар илмий-текшириш институти клиникасидан тузалганларнинг барчаси эркак, 1 нафардан Жиззах, Хоразм, Наманган, Сирдарё, Тошкент, Самарқанд вилоятларидан ва яна бир нафари Россия Федерациясидан. Улардан 6 нафари чет элдан (3 нафари Россиядан, 1 нафардан Қозоғистондан, Тожикистондан ва Литвадан) келган бўлиб, карантинга олинган. Коронавирус аниқлангач, шифохонага ётқизилган. Бир нафар фуқаро эса коронавирус инфекциясига чалинганлар билан мулоқот орқали касалликни юқтириб олган. Беморлар орасида ёши каттаси 49 ёшда бўлса, кичиги 20 ёшда.
Тошкент шаҳрида шу пайтга қадар 772 нафар бемор соғайган бўлса, эндиликда улар 796 нафар бўлди.
Касалланганларнинг умумий сони эса 19 май соат 10:00 ҳолатига кўра, 11 кишига кўпайиб, 2802 нафарни ташкил қилмоқда. Шунингдек, Тошкентда коронавирусга чалинган самарқандлик бемор вафот этиб, вирус қурбонлари сони 13 нафарга етди.
Изоҳ (0)