Халқ депутатлари Муборак туман кенгашининг 19 май куни бўлиб ўтган сессиясида ҳудуднинг янги раҳбари тасдиқланди, дея хабар бермоқда «Дарё» мухбири.
Хабар беришларича, сессияда сўзга чиққан Қашқадарё вилояти ҳокими Зоир Мирзаев туман ҳокимининг вазифасини вақтинча бажарувчи — Улуғбек Эрназаровни жамоатчиликка таништирган.
Муборакнинг аввалги ҳокими Ғайрат Жовлиев туманда шифокорлар карантин вақтида тўй қилгани ҳақидаги шов-шувлардан сўнг ишдан олинган эди.
Жамоатчилик орасида «ҳоким пахта экилмаган майдонларга чигит экилди дея ёлғон маълумот бергани учун ишдан кетгани» ҳақида гап-сўз тарқалди, бироқ на бу, на у тахмин расман тасдиқланган эмас.
Изоҳ (0)