Россияда 18 май ҳолатига кўра коронавирусга чалиниш бўйича 8 926 та ҳолат қайд этилди. Бу бир кун аввалги кўрсаткичдан 783 кишига камдир. Мамлакатда кетма-кет учинчи кун коронавирусга янги чалинганлар сони 10 минг кишидан камроқни ташкил этмоқда.
Коронавирусга қарши кураш бўйича тезкор штаб маълумотларига кўра, мамлакатда қайд этилган касалланишлар умумий сони 290 678 кишига етди.
Сўнгги суткада касалланганларнинг энг кўпи Москва (3238 нафар), Москва вилояти (921 нафар), Санкт-Петербург (425) шаҳарларида аниқланган.
Сутка давомида 91 нафар бемор, умумий ҳисобда эса 2 722 нафар бемор вафот этган. Вирусга чалинганларнинг 2 836 нафари тузалиб, соғайганлар сони 70 209 нафарга етган.
Изоҳ (0)