Ички ишлар вазири Пўлат Бобожоновнинг шахсий таркиб бўйича буйруғи эълон қилинди. Унга кўра бир нечта лавозим тайинлови амалга оширилган.
Жумладан, подполковник Избасаров Бахтжан Алмаханович Қорақалпоғистон Республикаси Ички ишлар вазирининг жамоат тартибини сақлаш бўйича ўринбосари лавозимига тайинланган. Тайинловга қадар Б.Избасаров Қорақалпоғистон Республикаси Элликқалъа тумани ИИБ бошлиғи лавозимида фаолият юритган.
Қорақалпоғистон Республикаси Тахтакўпир тумани ИИБ бошлиғи лавозимига подполковник Қидирбаев Талғат Сулайманович тайинланган. У аввал Қорақалпоғистон Республикаси Тахтакўпир тумани ИИБ бошлиғининг биринчи ўринбосари лавозимида ишлаган.
ИИВ Ўз хавфсизлиги бошқармаси Самарқанд вилояти бўйича бўлими катта тезкор вакили лавозимида ишлаб келган майор Ҳалимов Улуғбек Анварович Самарқанд вилояти Нарпай тумани ИИБ бошлиғи лавозимини эгаллади.
Майор Ортиқов Сирожиддин Саъдуллаевич Самарқанд вилояти Пахтачи тумани ИИБ бошлиғи лавозимига тайинланди. С.Ортиқов аввал Самарқанд вилояти Иштихон тумани ИИБ бошлиғи лавозимида фаолият юритган.
Самарқанд вилояти ИИБ Патруль-пост хизмати ва жамоат тартибини сақлаш бошқармаси бошлиғининг ўринбосари сифатида ишлаган подполковник Шарипов Сурач Садрединович Самарқанд вилояти Иштихон тумани ИИБ бошлиғи лавозимига тайинланди.
Подполковник Ҳайитов Фахриддин Тоҳирович Фарғона вилояти Фарғона тумани ИИБ бошлиғи лавозимини эгаллаган. У тайинловга қадар вилоятнинг Бағдод тумани ИИБ бошлиғининг биринчи ўринбосари лавозимида фаолият юритган.
Изоҳ (0)