«Барселона» клубининг 18 ёшли нидерландиялик ҳимоячиси Ксавье Муямба Европанинг бир нечта топ-клублари қизиқишларига сабаб бўлмоқда, дея хабар қилмоқда Voetbal International.
Ушбу хабарларни футболчининг агенти Карлос Барос тасдиқлади.
«Ҳозирда «Барселона»даги ҳолат барқарор эмас. Президентлик сайловлари яқинлашмоқда, раҳбарият таркибида ўзгаришлар бўлиши мумкин, янги одамлар келади. Ҳозир клуб ҳам сиёсий, ҳам спортга оид жиҳатларда жуда нотинч. Ҳатто Ансу Фатини ижарага бериб юборишга тайёр эканликларини кўрсангиз, бошқа иқтидор эгалари ўзини кўрсата олишига қандай ишониш мумкин?
Деярли барча топ-клублар Ксавье билан қизиқмоқда. Улар қаторида «Реал» ҳам бор, улар ўзининг ёшлар жамоасига жиддий қарайди, албатта, бу трансфер амалга ошиши жуда қийин масала. Шунингдек, «Ювентус» ва «Интер»дан ҳам қизиқиш бор, бироқ энг яхши таклиф «Челси»дан келиб тушди», — дейди агент.
«Барселона» Муямбани 2019 йилнинг ёзида 310 минг евро эвазига Нидерландиянинг «МВВ Маастриҳт» клубидан сотиб олганди. Шу вақтга қадар «Барселона» U-19 вакили асосий жамоада бирорта ҳам ўйин ўтказмади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)