«Реал» клуби ва Бразилия терма жамоаси собиқ ҳимоячиси Роберто Карлос собиқ жамоадоши Роналдо ҳақидаги фикрлари билан ўртоқлашди.
«Роналдо машғулотларда ажралиб турарди. У энг зўри эди. Ҳеч қачон бошқа «феномен» бўлмайди. Ҳатто Неймар, Криштиану Роналду ёки Лионель Месси ҳам унга тенглаша олмайди. Роналдо — идеал.
Ўйлашимча, бизнинг вақтларда гол уриш қийин бўлган. У вақтда футболда улкан жисмоний кураш кечарди, ҳужумчилар эса ҳозиргидек ҳимоя қилинмасди. Бироқ Роналдо майдонда ўзи истаган ишни қила оларди.
У «Реал»га келган вақтда биз нақадар ажойиб футболчини қўлга киритганимизни кўпчилик тушуниб етмаганди. Ўшанда Роналдо кўпчиликни ҳайрон қолдирган», — дейди Роберто Карлос.
Роналдо футболчилик фаолияти мобайнида ПСВ, «Барселона», «Интер», «Реал» ва «Милан» каби номдор жамоаларда тўп сурган. «Сўйлоқ» 1997 ва 2002 йилда «Олтин тўп»га лойиқ кўрилган.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)