Роберт Левандовски кетма-кет 5 йилдан бери мавсумига 40 та гол урмоқда

«Бавария» ҳужумчиси Роберт Левандовски клуб сафида кетма-кет беш мавсумдан буён 40 та ва ундан ортиқ гол уриб келмоқда.

Левандовски Бундеслига 26-туридан ўрин олган «Унион»га қарши баҳсда (2:0) пенальтини аниқ амалга оширган ҳолда ўз ҳисобига навбатдаги голни ёздириб қўйди. Бу польшалик футболчи учун жорий мавсумдаги 40-гол бўлди. Уларнинг 26 тасини у Германия чемпионатида урган, яна 11 та гол Чемпионлар Лигасида, учтаси эса Германия Кубоги баҳсларида киритилган.

Ўтган мавсум Левандовски 40 та гол уришга эришганди. Унинг энг яхши кўрсаткичи 2016/17 йилги мавсумга тўғри келади — 43 та гол.

Эслатиб ўтамиз, 16 май кунидан бошлаб Германия чемпионатининг 2019/20 йилги мавсуми давом эттирилмоқда. Лига баҳслари коронавирус пандемияси сабаб март ойида тўхтаб қолганди.