Профессионал футбол лигаси бош директори биринчи ўринбосари Диёр Имомхўжаев Ўзбекистон чемпионати клублари учун мухлислар ташрифи муҳимлиги борасида гапирди.
«Биринчи навбатда клуб мухлисларнинг ўйинга келишидан манфаатдор бўлиши керак. Шу вақтга қадар тайёр пул келиб турганидан кейин раҳбарият чипталар сотувидан тушадиган «3-4 сўм»га эътибор ҳам қилмай қўйган.
Бугун вазият бошқача, «Навбаҳор»ни мисол келтираман. Клуб ҳозирда чипта савдосидан жуда яхши пул ишлайди. Ҳар бир ўйиндан 200—300 миллион сўм тушум бўлади. Чипта нархлари ўйин аҳамиятига қараб ўртача 10 минг сўмдан 50 минг сўмгача бўлади. Масалан, «Навбаҳор» — «Пахтакор» учрашуви чипталари 100 минг сўмга чиқиб кетса ҳам ажабланмайман. Чипталарга клуб ўзи истаган нархни қўя олади, ассоциация томонидан ҳеч қандай чегара қўйилмаган», — дейди Имомхўжаев.
Мавзуга доир: Коронавирус Ўзбекистон клубларига молиявий томондан қандай таъсир қилади? Диёр Имомхўжаев жавоб берди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)