Қуёш, булутлар ва камалакни хона ичида акс эттириш имконини берувчи мобил дастур яратилди

Дания ва Исландия рассоми Олафур Элиассон тўлдирилган реалликда кунсткамера (ноёб кабинет) яратди. Лойиҳа Wunderkammer номини олди, деб ёзади Esquire.

Элиассоннинг кунсткамерасида АR-технологиялар ёрдамида табиий муҳитнинг қуёш, камалак ва ёмғир ёғиб турган булутлар сингари элементлари, шунингдек, қирилиб кетиш арафасида бўлган қушлар ва жониворлар, хусусан, тупик қуши яратилган.

Бу объектларни уй ичида кўриш учун Acute Art дастурини юклаб олиш кифоя. Шунда уйингизда қуёш чарақлай бошлайди ёки қирилиб кетиш арафасида бўлган тупик сакрай бошлайди, дейилади хабарда.

Олафур Элиассон атроф-муҳит ифлосланиши ҳамда иқлим ўзгариши муаммоларига бағишланган ишлари билан машҳур. У ўз ижодий ишларида табиатни ўрганиш ҳамда бошқа табиат ҳодисаларига тез-тез мурожаат қилади.

https://www.instagram.com/p/CAKrRHWnZkO/