Facebook Giphy сервисини сотиб олди. Компания сайтида ёзилишича, «визуал ифода ва ижодкорлик соҳасида етакчи Instagram жамоаси таркибида Facebook компаниясига қўшилган», деб хабар беради IXBT.
GIF-анимация сервиси 2013 йилда пайдо бўлган. У жуда машҳур — сўнгги маълумотларга кўра, сервис ҳар куни 700 миллиондан ортиқ фойдаланувчининг сўровига 10 миллиарддан ортиқ жавоб қайтаради.
Giphy имкониятлари анчадан буён сервиснинг ярим трафигини таъминлайдиган Facebook оиласига кирувчи иловаларда фойдаланиб келинади, масалан, ушбу трафик ярмининг ярми Instagram ҳисобига тўғри келади.
Ижтимоий тармоқ гигантининг маълум қилишича, Instagram ва Giphy’ни бирлаштириш «идеал GIF-файллар ва Stories ҳамда Direct’да стикерлар қидиришни соддалаштириш» имконини беради.
Giphy’нинг хариди ва унинг Instagram билан интеграцияси фойдаланувчилар учун деярли таъсир кўрсатмаслиги керак. Фойдаланувчилар олдингидек GIF-файлларни юклай олади.
Келишув қанчага тушгани айтилмаган. Бироқ норасмий маълумотларга кўра, Giphy Facebook учун 400 миллион долларга тушган.
Эслатиб ўтамиз, Facebook 2012 йилда Instagram’ни 1 миллиард долларга сотиб олган эди.
Изоҳ (0)