Hi-Tech.Mail.ru Xiaomi смартфонлари ҳамда бошқа кўплаб қурилмаларини яратиш билан шуғулланувчи компаниянинг замонавий офиси тасвирланган суратларни тўплаб тақдим этди. Бу ерда ходимларнинг овқатланиши учун пул ажратилади, исталган жойда ишлаш ва дам олиш хонасида ухлашга рухсат берилади.
2019 йилда Xiaomi қиймати қарийб 1 миллиард доллар турувчи 340 минг квадрат метрга тенг янги офисга кўчган эди. Бу Apple Park’дан тахминан беш баробар арзон, бироқ Калифорнияда қурилиш ишлари анча қиммат туришини ҳам унутмаслик керак. Xiaomi бу ерни шунчаки офис эмас, балки парк деб атайди — чунки улар бир нечта бинодан иборат катта ҳудудга эгалик қилади. Бу худди Хитой пойтахтидаги кичик шаҳардир.
Ҳудудда 8 та бино жойлашган — офис хоналари, тадқиқот ва ихтиро бўлинмаси, конференция учун заллар, ўзининг дўконлари ва ҳоказо. Офис ҳудудида ишчилар учун қулай муҳит яратишга ҳаракат қилинган: ходимлар умумий хоналарда ишлаши ёки дам олиш хонасида бироз мизғиб олиши, тинчликда ишлаши мумкин.
Коронавирус сабаб Xiaomi офиси анча бўшаб қолган, бироқ Хитойда чекловлар секин-аста бекор қилинмоқда. Шу билан бирга, бу компанияга янги қурилмалар тақдим этиш ва онлайн тақдимот ўтказишга халақит бермаяпти. Компаниянинг сўнгги асосий флагмани — Xiaomi Мi 10 бунинг исботидир.
Изоҳ (0)