Сирдарёда ўз фарзандини 10 минг долларга сотмоқчи бўлган аёл қўлга олинди. Бу ҳақда ИИВ матбуот хизмати хабар бермоқда.
Маълум бўлишича, фуқаро Э.Ш. 5 май куни Сирдарё вилоятининг Боёвут тумани, «Лайлаккўл» маҳалласида чақалоғини Р.Г.га 10 200 долларга сотмоқчи бўлган вақтда вилоят ИИБ терроризм ва экстремизмга қарши курашиш бошқармаси ҳамда Боёвут тумани ИИБ ходимлари томонидан қўлга олинган.
Воқеа жойида гумонланувчидан 10 200 доллар миқдоридаги пуллар ашёвий далил тариқасида олинган.
Мазкур ҳолатга кўра, фуқаро Э.Ш.нинг ҳаракатларида Жиноят кодексининг 135-моддаси (Одам савдоси) 3-қисми «а» бандида кўрсатилган жиноят таркиби мавжуд бўлиб, унга нисбатан ҳозирда тергов ҳаракатлари олиб борилмоқда.
Изоҳ (0)