«Ўзбекистон Республикаси Вазирлар Маҳкамасининг фаолиятини такомиллаштиришга оид қўшимча чора-тадбирлар тўғрисида» Президент қарори қабул қилинди. Бу ҳақда «Ҳуқуқий ахборот» канали хабар берди.
Қарорга мувофиқ, Вазирлар Маҳкамасининг янгиланган ижро этувчи тузилмаси тасдиқланди. Қуйидаги лавозимлар киритилди:
- Бош вазирнинг ижтимоий ривожлантириш масалалари бўйича ўринбосари;
- Бош вазир маслаҳатчиси – IТ технологиялар, телекоммуникациялар ва инновацион фаолиятни ривожлантириш масалалари департаменти бошлиғи;
- Бош вазир маслаҳатчиси – Саноат ва унинг базавий тармоқларини ҳамда кооперация алоқаларини ривожлантириш масалалари департаменти бошлиғи.
- Бош вазирнинг таълим ва соғлиқни сақлаш масалалари бўйича ўринбосари лавозими;
- Бош вазирнинг саноатни ва кооперация алоқаларини ривожлантириш масалалари бўйича маслаҳатчиси лавозими;
- Маҳалла, оила ва ёшларни қўллаб-қувватлаш, маданият, маънавият ва жамоат ташкилотлари масалалари котибияти;
- Таълим ва соғлиқни сақлаш масалалари котибияти.
Бош вазир, жумладан, IТ технологиялар, электрон ҳукуматни жорий этиш, ахборот хавфсизлигини таъминлаш, шунингдек, телекоммуникациялар, илм-фан, илмий тадқиқотлар ва инновацияларни ривожлантиришни таъминлаш фаолиятига бевосита раҳбарлик қилади.
Эслатиб ўтамиз, 13 май куни Ўзбекистон Президенти иштирокида ўтказилган видеоселектор йиғилишида бош вазирнинг ижтимоий ривожлантириш масалалари бўйича ўринбосари лавозимига шу кунгача Давлат солиқ қўмитаси раиси вазифасида ишлаб келган Беҳзод Мусаев, Давлат солиқ қўмитаси раҳбарлигига эса Президентнинг давлат хизмати ва ҳокимият вакиллик органлари билан ҳамкорлик қилиш масалалари бўйича маслаҳатчиси Шерзод Кудбиев тайинланган эди.
Изоҳ (0)