Фарғона вилоятида коронавирусга чалинган сўнгги бемор 14 май куни соғайиб, реабилитацияга кузатилди. Бу ҳақда Соғлиқни сақлаш вазирлиги хабар бермоқда.
Фарғонада тузалган сўнгги бемор — 40 ёшли эркак — Олтиариқ туманидан бўлиб, касалликни коронивирусга чалинган фуқаролар билан мулоқотда юқтириб олган эди.
«Шундай қилиб, вилоятдаги шифокорлар саъй-ҳаракати туфайли коронавирус инфекциясига чалинган 157 нафар беморнинг барчаси бутунлай соғайди», — дея хабар бермоқда ССВ.
Ўзбекистонда 14 май соат 12:00 ҳолатига кўра коронавирус инфекциясидан бутунлай соғайганлар сони 2077 нафарни ташкил этмоқда. 14 май соат 10:00 ҳолатига кўра касалланганлар сони 2620 кишига етган, 11 нафар бемор вафот этган.
Маълумот учун, аввалроқ Жиззах, Қашқадарё ва Навоий вилоятлари ҳам коронавирусдан холи ҳудудларга айланган эди, бироқ кейинроқ Навоий вилоятида олти кишида касаллик аниқланди.
Изоҳ (0)