Тошкент вақти билан 14 май куни соат 02:09 да Хитойда зилзила содир бўлди. Бу ҳақда Ўзбекистон Фавқулодда вазиятлар вазирлигининг Сейсмопрогностик мониторинг республика маркази хабар қилди.
«14 май Тошкент вақти билан 02:09 да Хитойда зилзила содир бўлди», — дейилади хабарда.
Маълум қилинишича, Хитойда юз берган зилзила маркази 39,67 градус шимолий кенглик, 74,04 градус шарқий узунликда, 10 километр чуқурликда жойлашган. Ер қимирлаш кучи зилзила марказида 4,6 баллни ташкил қилган.
Сейсмопрогностик мониторинг республика маркази маълумотларига кўра, зилзила маркази Тошкентдан 445 километр жануби-шарқий йўналишда жойлашган. Ер силкиниши Ўзбекистоннинг Фарғона водийсидаги вилоятларида сезилган. Хусусан, зилзила кучи Наманган, Андижон ва Фарғонада 2 баллни ташкил қилган.
Эслатиб ўтамиз, 6 май куни Хитой—Қирғизистон чегарасида содир бўлган зилзила ҳам Фарғона водийсида сезилган эди.
Изоҳ (0)