Сардоба сув омбори тўғонида юз берган ўпирилиш оқибатида келиб чиққан фожиа ҳақида, ҳодиса жойидан олинган кадрлар ҳозирга қадар кўпчилигимизнинг кўз олдимизда турган бўлса керак.
Айниқса, Мирзаобод туманида ярмига қадар сувга чўккан янги коттежлар, сув босган кўчалар ва инфратузилма объектлари акс этган фотосурат ва видеотасвирлар бошқалардан кескин ажралиб турар эди.
Биринчи имконият юзага келиши биланоқ, сув тошқини оқибатларини тугатиш жараёнига мамлакатимиздаги суғурта компаниялари ҳам кириша бошлади. Ҳукумат томонидан алоҳида ишчи гуруҳи шакллантирилган бўлиб, офатдан зарар кўрган ҳудудларда суғурта қилинган объектларнинг рўйхатини тузиш, етказилган зарар миқдорини аниқлаш ва уйларни тезда тиклаш ҳамда фуқароларимизни нормал ҳаёт тарзига қайтариш учун суғурта қопламаларини тўлаш билан боғлиқ масалаларни тезкор равишда ҳал қилиш мазкур гуруҳ вазифаси доирасига кирар эди.
Аммо суғурта, баҳолаш-смета ва қурилиш-таъмирлаш компанияларининг мутахассислари ҳодиса жойига етиб келишидан аввал, ҳудуд ва йўлларни тозалаш, вайрон бўлган иншоотлар, қўпорилган дарахтлар ва кўчатларнинг қолдиқларини ажратиб олиш ва олиб чиқиш, уй ҳайвонларининг жасад ва қолдиқларини тўплаш ва кўмиш, ҳудудни дезинфекция қилишга доир катта кўламдаги ишларни олиб бориш талаб қилинар эди. Талончилик фактлари ва бошқа жиноятларни олдини олиш учун офатдан зарар кўрган ҳудуд ҳуқуқни муҳофаза қилиш органлари томонидан ўраб олинди ва унинг ҳудудига кириш қатъий чекланди.
Жорий йилнинг 7 май куни «Gross Insurance» суғурта компанияси «Темир йўлчилар» уй-жой массивини кўздан кечириш учун рухсат олди. Мазкур массивда жойлашган коттежларнинг 44 таси «Gross Insurance» компаниясида суғурта қилинган.
8 май куни эрталаб соат 09:00 да «Gross Insurance» суғурта компаниясининг вакиллари маҳаллий ҳокимият органининг ваколатли вакили кузатувида уй-жой массивини кўздан кечиришни бошлади.
Коттежлар ташқи кўздан кечирилганида, дастлаб шикастланишлар сезиларли эмасдек туюлади. Вайронагарчиликлар кўламини дастлабки баҳолашда сув тошқини бўлган кунда деярли деразалар сатҳига қадар кўтарилган сувдан қолган фақат лойли излар айрим хавотирларни келтириб чиқаргандек бўлади.
Ва ниҳоят, хоналар ичкаридан туриб кўздан кечирилганидагина, етказилган зарарнинг реал манзараси ҳис этилади.
Коттежлар жойлашган заминнинг кейинги чўкиши билан сув босиши пойдеворнинг ювилиб кетишига ва юк ташувчи деворларнинг кейинги вайрон бўлишига, шифтлар ҳамда полнинг ўпирилишига олиб келган.
Қисман қулаши таҳдиди туфайли, айрим уйлар ичига кириш тақиқланган ва биз улардаги вайронагарчиликлар кўламини кўрсата олмаймиз.
Албатта, суғурта қилинган коттежларнинг барчаси ҳам бир хилда зарар кўрмаган, аммо уйларнинг катта қисмида гуруҳи айнан шундай характердаги шикастланишлар мавжуд. Етказилган зарарга аниқ баҳо беришга ҳали эрта. Лойиҳа-смета ва қурилиш-таъмирлаш ташкилотлари тўпланган ахборотни таҳлил қилиш асосида фақат энди зарарни баҳолашни амалга оширишлари ва ҳар бир уй юзасидан эксперт хулосасини чиқаришлари лозим. Эҳтимол, кўзга ташланадиган шикастланишлар мавжуд эмаслигига қарамай, айрим уйлар яшаш учун яроқсиз бўлиб қолади ва бузилиши лозим бўлади. Олдинда улкан кўламдаги ишлар амалга оширилиши лозим бўлади. Бироқ ҳозирнинг ўзидаёқ, энг камтарона ҳисоб-китобларга кўра, фақат ушбу 44 та коттеж бўйича суғурта тўловларининг суммаси 3,0 млрд сўм атрофида бўлиши кутилмоқда. Яқиндагина оилалар ўз гўшасида умргузаронлик қилган вайрон бўлган уйларга назар ташлашнинг ўзи киши қалбини маҳзун қилади, аммо биз суғурта тўловлари уларга сезиларли равишда молиявий кўмак беришига умид билдирамиз.
Газ портлаши, ёнғин, сув ёки иситиш тармоқларидаги авария, вандализм, безорилик, қасддан ўт қўйиш, сим устунлари ёки дарахтларнинг қўллаши, зилзила ёки бошқа табиат ҳодисалари оқибатида содир бўлган бузилишлар ва кўрилаётган зарар ҳақида ҳар куни янгиликларда хабардор бўламиз ва жабрланувчилар тақдирига қайғурамиз. Эндиликда «Gross Insurance» компаниясининг Уй-жойни суғурта қилиш дастурлари ёрдамида буларнинг барчасидан суғурта қилиш мумкин.
Сиз 1166 қисқа рақами ёки info@gross.uz электрон почта манзили орқали ҳамда компаниянинг ижтимоий тармоқлардаги https://instagram.com/grossuzb, https://www.facebook.com/grossuz саҳифаларида биз билан боғланишингиз мумкин.
Реклама ҳуқуқи асосида.
Изоҳ (0)