AQSh vitse-prezidenti Maykl Pens mamlakat prezidenti Donald Tramp bilan shaxsiy munosabatlarini cheklash bo‘yicha qaror qabul qildi. Bu haqda Oq uy matbuot kotibi Keyli Makinani ma’lum qildi.
“Vitse-prezident Trampga bir necha kun davomida yaqinlashmaslikka qaror qilgan. Bu uning shaxsiy qarori”, — deydi Makinani.
9-may kuni Donald Tramp Pensning matbuot kotibi Keti Millerda koronavirus aniqlanganini ma’lum qilgandi. Amerika yetakchisining so‘zlariga ko‘ra, u Miller bilan aloqada bo‘lmagan, biroq Pens bilan muloqot qilgan.
Keyinroq vitse-prezidentning rasmiy vakili Devin O’Melli Pens o‘z matbuot kotibida koronavirus aniqlanganidan keyin izolyatsiyaga ketmaganini bildirgandi.
“Vitse-prezident Oq uy tibbiyot xizmatining maslahatlariga rioya qilishni davom etmoqda va krantinda saqlanmayapti”, — deydi O’Melli.
Avvalroq AQShda koronavirus bilan kasallanish holatlarining o‘sishi haqida maxfiy ma’lumotlar tarqalgani haqida xabar berilgandi.
Mavzuga doir:
Izoh (0)