«Ўзгидромет» 12-14 май кунлари кучли шамол эсиб, ёмғир ва дўл ёғиши мумкинлигидан огоҳлантирганди. Шу муносабат билан Тошкент шаҳар ИИББ пойтахт аҳолиси ва меҳмонларига мурожаат билан чиқди.
«Тошкентда кучли шамол эсиши кутилмоқда. Мулкингизга зиён етишининг олдини олиш учун дарахтлар тагида ва реклама устунлари яқинида қолдирган автомобилларингизни хавфсизроқ жойга қўйишингизни сўраймиз.
Деразаларни маҳкам ёпинг. Ташқи токчадан гултуваклар ва бошқа буюмларни олишингизни тавсия этамиз. Электр билан боғлиқ узилишлар юзага келган тақдирда маиший электр ускуналарингизни электр тармоғидан узиб қўйинг», — дейилади хабарда.
Изоҳ (0)