2020 йилнинг 11 майидан 24 майига қадар Ўзбекистон фуқароларини хориждан олиб келиш бўйича 12 та чартер рейс амалга оширилади. Бу ҳақда Транспорт вазирлиги матбуот котиби Наврўз Ашурматов иштирокида 12 май, сешанба куни ўтказилган брифингда маълум қилинди.
Чартер рейслари қуйидаги кунларга режалаштирилган:
13 май. Тошкент—Истанбул—Тошкент, соат 07:40
14 май. Тошкент—Санкт-Петербург—Тошкент, 08:35
15 май. Тошкент—Деҳли—Тошкент, 12:00
16 май. Тошкент—Ростов-Дон—Тошкент, 11:00
17 май. Тошкент—Қозон—Тошкент, 11:00
18 май. Тошкент—Москва—Тошкент, 07:20
19 май. Тошкент—Санкт-Петербург—Тошкент, 08:35
20 май. Тошкент—Москва—Тошкент, 07:20
21 май. Тошкент—Истанбул—Тошкент, 07:40
22 май. Тошкент—Лондон—Тошкент, 14:00
23 май. Тошкент—Новосибирск—Тошкент, 13:00
24 май. Тошкент—Шаржа—Тошкент, 11:00.
Амалга ошириладиган парвозларга дипломатик ваколатхоналар ҳамда консуллик муассасалар томонидан фуқаролар рўйхатга олинади ҳамда Uzbekistan Airways авиакомпаниясига тақдим этилади ва фуқаролар ушбу рўйхат асосида ҳаво кемаси бортига киритилади.
Чипталарни фуқаролар парвоздан 4 соат олдин хорижий мамлакатларнинг халқаро аэропортларидаги Uzbekistan Airways авиакомпаниясининг кассаларидан олиши мумкин бўлади.
Ўзбекистонга қайтган барча фуқаролар 14 кундан кам бўлмаган муддатга карантин марказига жойлаштирилади.
Аввалроқ Беларусдан 150 нафар ўзбекистонлик чартер рейс орқали Тошкентга олиб келингани ҳақида хабар берилганди. 8—11 май кунлари Беларусь, БАА, Ҳиндистон ва Жанубий Кореядан 800 нафар ўзбекистонлик чартер рейслар билан ватанга қайтарилди.
Изоҳ (0)