Қашқадарёда унаштирилган қизи билан жанжаллашиб қолган йигит ўзини автомобиль остига ташлаб, омон қолди. Бу ҳақда «Севимли» телеканалининг «Замон» ахборот дастури томонидан маълум қилинди.
Маълумотларга кўра, унаштирилган қизи билан жанжаллашиб қолган йигит қизга бошқасини деса ўз жонига қасд қилишини айтади. Кейин эса гапининг исботи сифатида катта йўлнинг ўртасига чиқиб олади. Йигитнинг хатти-ҳаракати атрофдагиларнинг эътиборига тушган ва ҳолат телефон орқали суратга олинган.
«Мени кутиб турдида, тахминан 2-3 метр қолганда ўзини машинага отди», — дейди йигитни уриб юборган машина ҳайдовчиси. Ҳайдовчининг таъкидлашича, йигит содир бўлган ЙТҲдан сўнг ўзи билмаган ҳолда бу ишни қилганини айтган.
Содир бўлган кўнгилсиз ҳодиса оқибатида йигит омон қолган. У мазкур ҳолатга ҳеч қандай изоҳ беришни истамаган.
Ҳозирда ҳолат юзасидан тергов олди текширув ҳаракатлари олиб борилмоқда.
Изоҳ (0)