Тошкент шаҳри ва Сурхондарё вилоятида коронавирусга чалинган яна 14 нафар бемор тузалиб, 12 май куни реабилитацияга кузатилди. Ўзбекистонда коронавирусдан тузалганларнинг умумий сони 2010 нафарга етди. Бу ҳақда Соғлиқни сақлаш вазирлиги хабар берди.
Тошкент шаҳридаги Вирусология илмий-текшириш институти клиникасида 6 нафар, Эпидемиология, микробиология ва юқумли касалликлар илмий-текшириш институти клиникасида 6 нафар, Сурхондарё вилоятида яна 2 нафар, жами 14 нафар коронавирус инфекциясига чалинган бемор бутунлай соғайди ва реабилитацияга кузатилди.
Вирусология илмий-текшириш институти клиникасидан соғайганларнинг 5 нафари Тошкент шаҳридан, 1 нафари Андижон вилоятидан. Улардан 4 нафари коронавирус инфекциясига чалинганлар билан мулоқот орқали касалликни юқтириб олган. 1 нафари Россиядан, яна 1 нафари Тожикистондан келган ва карантинга олинган. Коронавирус аниқлангач, улар клиникага ётқизилган. Беморлардан 5 нафари эркак, 1 нафари аёл. Улар орасида энг каттаси 72 ёшда бўлса, энг кишиги 4 ёшда.
Эпидемиология, микробиология ва юқумли касалликлар илмий-текшириш институти клиникасида тузалганларнинг 5 нафари эркак, 1 нафари аёл. Уларнинг 1 нафари Россиядан, 3 нафари Қозоғистондан, яна 1 нафари эса БААдан келган ва карантинга олинган. Уларда коронавирус аниқлангач, клиникага ётқизилган. Қолган 1 нафар бемор эса коронавирус инфекциясига чалинганлар билан мулоқот орқали касалликни юқтириб олган.
Тузалганлар орасида Тошкент, Сирдарё, Самарқанд, Фарғона вилоятлари ва Тошкент шаҳридан 1 нафардан фуқаро бор. Олтинчи бемор эса Тожикистон фуқароси ҳисобланади. Улар орасида энг каттаси 47 ёшда бўлса, энг кичиги 26 ёшда. Тошкент шаҳрида шу пайтга қадар COVID-19 касаллигидан соғайганлар сони 628 нафарга етди.
Сурхондарё вилоятида тузалган беморларнинг иккласи ҳам ушбу вилоятдан. Уларнинг бири — 49 ёшли эркак Жарқўрғон туманидан, иккинчиси — 33 ёшли эркак эса Ангор туманидан. Мазкур фуқаролар коронавирус инфекциясига чалинганлар билан мулоқот орқали касалликни юқтириб олган. Шу тариқа, Сурхондарё вилоятда шу пайтга қадар коронавирус инфекциясидан соғайганлар сони 40 нафарга етди.
Ўзбекистонда 12 май соат 16:00 ҳолатига кўра, коронавирусга чалинганлар сони 10 кишига кўпайиб, 2519 нафарга етди. Мамлакатда коронавирус инфекцияси илк бор қайд этилган 15 мартдан буён 10 киши инфекция асоратлари оқибатида вафот этган.
Изоҳ (0)