Коронавирус бўйича эпидемиологик тадқиқотларнинг кўрсатишича, коронавирусга чалинганларнинг аксариятида касаллик оғир шаклда кечмоқда. «РБК»нинг хабар беришича, бу ҳақда ЖССТнинг соғлиқни сақлаш соҳасидаги фавқулодда вазиятлар дастури раҳбари Майкл Райан маълум қилди.
Унинг айтишича, коронавирусга чалинганлар орасида касалликка чидамсиз бўлган одамлар кўп. Шунингдек, касалхонага ётқизилганларнинг аксарияти оғир аҳволда эканлигини таъкидлаган.
Май ойи бошларида ЖССТ касалликнинг оғир ўтишига чекиш сабаб бўлиши мумкинлигини айтганди. Ташкилот чекувчилар орасида COVID-19 билан касалланиш ҳолатларининг камлиги ҳақидаги саволга изоҳ бериб, тамаки маҳсулотларини чекиш коронавирусдан ҳимоя қилмаслигини, аксинча коронавируснинг оғир босқичи бошланишига шароит яратишини маълум қилган.
Россиялик тиббиёт фанлари доктори Галина Кожевникова ҳам COVID-19 коронавирусининг чекувчи инсонлар учун ўта хавфли эканлигини, бу нафақат сигарет, балки чилим, вайп чекувчиларга ҳам тааллуқли эканини билдирган.Эслатиб ўтамиз, айни пайтда дунё бўйлаб коронавирусга чалинганлар сони 4 миллион кишидан, қурбонлар сони 286 минг кишидан ошиб кетди.
Изоҳ (0)