Ганалик рақсга тушувчи тобуткашлар коронавирус пандемияси муносабати билан одамларга мурожаат йўллади, деб ёзади Esquire.
Мурожаатда улар бутун дунё шифокорларига машаққатли меҳнати учун миннатдорчилик билдириб, чапак чалган. Бундан ташқари улар одамлардан уйда қолишни ёки келиб улар билан рақсга тушишни сўраган.
Апрель ойининг бошида интернетда рақсга тушадиган қора танли тобуткашлар ҳақидаги мем жуда машҳур бўлиб кетди.
Видео Directed by Robert B. Weide меми анъанасини давом эттирди, уни омадсизлик билан якунланадиган ёки ўта хавфли роликларга нисбатан қўллай бошлашди.
Рақсга тушадиган тобуткашлар иштирокидаги видео интернетда илк марта 2017 йилда пайдо бўлган. Видеони илк бора Ганадаги (Ғарбий Африкадаги республика) ғайриоддий анъана ҳақида сўзлаб берган тревел-блогер Travelin Sister эълон қилган эди. Маҳаллий аҳоли вакиллари дафн маросимига шўх мусиқа садолари остида рақсга тушадиган тобуткашларни ёллаб, марҳумни сўнгги йўлга кузатади.
Изоҳ (0)