Америкалик яккакурашчи Тони Фергюсон UFC 249 мусобақаси олдидан ташкил этилган матбуот анжуманида Жастин Гэтжига қарши жанг ҳақидаги фикрлари билан ўртоқлашди.
«Кейинги рақибим Гэтжи бўлиши мен учун ноодатий хабар бўлди. Мен олти ёки етти ой шуғулландим. Ҳабибга қарши жанг қилишимни билгунимга қадар ҳам машғулотларда иштирок этаётгандим. Ўша мусобақага қадар формамнинг энг юқори чўққисига чиққан бўлардим. Ҳозир жисмоний ҳолатим ўзгарган.
Жисмоний тайёргарлик бўйича мураббийим йўқ эди ва ўз мураббийларимни ҳар бир машғулот пайтида мени текшириб туришга мажбур қилдим. Кунига 12 соат шуғулланардим, бу осон эмас эди. Бироқ бу ишни қилдим. Шундай жамоага эга эканим, менинг омадим. Бу дунёдаги энг яхши жамоалардан бири ва мен ҳаммасига тайёрман.
The Ultimate Fighter мусобақасида 78 килограмм вазн тоифасида ғалаба қозонганман. Шундай экан менга кимни рўбаро қилишингизни фарқи йўқ. Мен у ерга бораман, қўлимдан келган барча ишни қиламан. Ғалаба ёки мағлубият, мен ғолиб бўлмоқчиман», — дейди Фергюсон.
Эслатиб ўтамиз, Тошкент вақти билан 10 май куни Тони Фергюсон UFC 249 мусобақасининг асосий жангида Жастин Гэтжига қарши жанг қилади.
Изоҳ (0)