Ўзбекистонда 6 май куни соат 12:50 га қадар 46 киши коронавирусдан соғайиб, реабилитацияга кузатилди. Соғлиқни сақлаш вазирлигидан хабар беришларича, Андижон вилоятидан 7 нафар, Наманган вилоятидан 31 нафар, Бухоро вилоятида 5 нафар, Самарқанд вилоятида эса 3 нафар киши касалликдан тўлиқ соғайган.
Андижонда соғайганларнинг 6 нафари эркак, 1 нафари аёл, барчаси Андижондан; энг каттаси 48, энг кичиги 10 ёшда. Улар касалликни коронавирусга чалинганлар билан мулоқотда юқтириб олган эди. Вилоятда коронавирусдан соғайганлар сони 126 нафарга етган.
Наманганда соғайганларнинг 14 нафари эркак, 17 нафари аёл, бари Намангандан; энг каттаси 60, энг кичиги 9 ёшда. Уларнинг бари касалликни коронавирусга чалинганлар билан мулоқотда юқтириб олган. Улар орасида. Вилоятда соғайганлар сони 137 нафарга етди.
Бухорода соғайганларнинг 2 нафари эркак, 3 нафари аёл, энг каттаси 50 ёшда, энг кичиги 14 ёш. Уларнинг 4 нафари Бухородан — касалликни коронавирусга чалинганлар билан мулоқотда юқтириб олган; 1 нафари Тошкентдан — у Россиядан чартер рейсда Бухорога олиб келинган, карантинда коронавирус тасдиқлангач, шифохонага жойлаштирилган. Бухорода соғайганлар сони 372 нафарга етди.
Самарқандда соғайганларнинг учаласи (7 ёш, 31 ёш ва 78 ёш) эркак бўлиб, улар вилоятнинг Тойлоқ туманидан, касалликни коронавирусга чалинганлар билан мулоқотда юқтириб олган эди. Вилоятда коронавирусдан соғайганлар сони 37 нафарга етди.
Соғлиқни сақлаш вазирлиги маълумотларига кўра, 6 май соат 12:50 ҳолатига кўра Ўзбекистон бўйича коронавирус инфекциясидан соғайган беморлар сони 1547 нафарни ташкил этмоқда. Навоий, Қашқадарё ва Жиззах вилоятлари касалликдан холи ҳудудга айланган.
Айни вақтда, 6 май соат 10:00 ҳолатига кўра Ўзбекистонда коронавирус инфекциясини юқтириб олиш билан боғлиқ ҳолатлар сони 2217 тани ташкил этмоқда — беморлардан 660 нафари ҳозирда даволанишни давом эттираётган бўлса, 10 нафари вафот этган.
Изоҳ (0)