Сирдарё вилояти автомобиль йўллари ҳудудий бош бошқармаси томонидан тошқин оқибатлари бартараф этилаётганлигига оид илк фотосуратлар жамланмаси тақдим этилди.
Тиклаш ишлари 4Р-18а автомобиль йўлининг 0-1 километри оралиғида, А-373 а автомобиль йўлининг 15-километрида, А-373 автомобиль йўлининг 15-16 километр оралиғида, А-373 автомобиль йўлида, 4Р-31 автомобиль йўлида олиб борилмоқда.
«Шунингдек, бошқарма ишчи ходимлари томонидан офатдан зарар кўрган Оқолтин тумани Бобур СИУ хонадонлари ҳудудида ҳам тозалаш ишлари амалга ошириляпти», — дейилади хабарда.
Эслатиб ўтамиз, Сирдарё вилоятидаги Сардоба сув омборида 1 май тонгида юз берган фалокатдан сўнг 70 мингга яқин фуқаро хавфсиз ҳудудларга кўчирилгани, камида 56 киши турли даражада тан жароҳати олиб, касалхоналарга ётқизилгани, 300 киши вертолётлар воситасида қутқарилгани ҳақида хабар берилган эди.
Изоҳ (0)