Хитойнинг FAW-Toyota қўшма корхонаси юқори қулайликка эга махсус Corolla’ни ишлаб чиқаради. Corolla L одатдаги седанлардан кенгайтирилган ғилдираклар базаси, оргинал жиҳозлари ва янги 1,5 литрли турбирланган двигатели билан ажралиб туради. Мазкур модель Хитойда бир йилдан кейин сотувга чиқиши кутилмоқда, деб хабар беради Autohome.
Манбаларнинг таъкидлашича, L-версиянинг ғилдираклар базаси 2800 миллиметрга қадар узайтирилган бўлиб, кузовнинг умумий узунлиги 4735 миллиметрга етган.
Тахминларга кўра, Corolla L’га 118 от кучига эга янги уч литрли турбирланган Toyota М15C двигатели ўрнатилади. Қайд этилишича, куч агрегати мавжуд гаммани тўлдирмайди, балки тўрт цилиндрли 1,2 литрли (турбо, 116 кучи) ва 1,6 литрли (атмосфера, 140 от кучи) двигателларнинг ўрнини эгаллайди.
Мазкур Toyota Corolla’ни Хитойдан ташқарига экспорт қилиш режалаштирилмаган. Модель бозорга 2021 йилда чиқиши кутилмоқда, бироқ унинг техник тавсифлари ҳақида расмий маълумотлар 2020 йил охирларида ошкор қилинади.
Изоҳ (0)