Тошкент тиббиёт академиясининг кўп тармоқли клиникасидан 14 нафар, Вирусология илмий-текшириш институти клиникасидан 7 нафар ҳамда Тошкент шаҳридаги 3-сонли туғруқ мажмуасидан 2 нафар коронавирус инфекциясига чалинган беморлар бутунлай соғайди. Улар Соғлиқни сақлаш вазирлиги масъуллари иштирокида Республика ихтисослаштирилган терапия ва тиббий реабилитация илмий-амалий тиббиёт марказига кузатилди. Бу ҳақда Соғлиқни сақлаш вазирлиги хабар берди.
Тошкент тиббиёт академиясининг кўп тармоқли клиникасида коронавирусдан тузалганларнинг 5 нафари Тошкент шаҳридан, 3 нафари Тошкент вилоятидан, Хоразм, Сирдарё, Андижон, Наманган, Бухоро ва Қашқадарё вилоятларидан 1 нафардан бемор COVID-19’дан тузалган. Уларнинг 8 нафари Истанбул–Тошкент йўналишида, 2 нафари Москва–Тошкент йўналишида олиб келинган ва карантинга олинган. Касаллик аниқлангач, мазкур клиникага ётқизилган. Қолган 4 нафари эса коронавирус инфекциясига чалинганлар билан мулоқот оқибатида COVID-19’ни юқтириб олган. Беморларнинг 4 нафари эркак, 10 нафари аёл бўлиб, энг ёши каттаси 49 да бўлса, энг кичиги 14 ёшда.
Вирусология илмий-текшириш институти клиникасидан тузалганларнинг 5 нафари Тошкент шаҳридан. Тошкент ҳамда Жиззах вилоятларидан 1 нафардан бемор тузлган. Уларнинг 6 нафари коронавирус инфекциясига чалинганлар билан мулоқотда бўлиб, касалликни юқтириб олган. 1 нафари Қозоғистон республикасидан келган ва карантинга олинган. Касаллик аниқлангач, мазкур клиникага ётқизилган. Беморларнинг 4 нафари эркак, 3 нафари аёл, энг каттаси 43 ёшда, энг кичиги 8 ёш.
Тошкент шаҳридаги 3-сонли туғруқ мажмуасидан соғайиб чиққан 2 ҳомиладор аёл Тошкент шаҳридан. Улар коронавирус инфекциясига чалинганлар билан мулоқотда бўлиб, касалликни юқтириб олган. Уларнинг ҳомиласига зарар етмаган.
Аввал Тошкент шаҳри ва Тошкент вилоятида коронавирусдан тузалганлар сони 409 нафарга етгани маълум қилинганди, эндиликда улар сони 432 нафарга етган.
Шу тариқа, 2020 йил 3 май соат 16:00 ҳолатига кўра коронавирусдан бутунлай соғайганлар сони 1301 нафарга етган.
Аввал Бухорода 7 нафар бемор касалликдан тузалгач, 2020 йил 3 май соат 14:30 ҳолатига кўра Ўзбекистонда COVID-19 инфекциясидан соғайганлар сони 1278 нафарга етгани, 3 май соат 15:00 ҳолатига кўра эса коронавирус инфекциясини юқтириб олганлар сони 2136 нафарни ташкил қилгани, 15 мартдан буён Ўзбекистонда коронавирусга чалинган беморларнинг ўн нафари вафот этгани хабар қилинган.
Қайд этиш жоиз, 28 апрелдан буён соғайганлар сони айни вақтда касалликдан даволанаётганлар сонидан кўп бўлиб турибди.
Изоҳ (0)