Тошкент шаҳар ҳокимлиги 3 май, якшанба кунига, ўтар кечаси кучли шамол ва ёғингарчилик кутилаётани боис шаҳар аҳолисига мурожаат қилди. Ҳокимликнинг қайд этишича, шамол дарахт шохларини синдирадиган даражада кучли бўлиши мумкин.
«3 майга ўтар кечаси пойтахтимизда кучли шамол ва ёғингарчилик бўлиши кутилмоқда. Бу эса дарахт ва уларнинг шохларини синишига сабаб бўлиб, унинг остида ва яқинида турган автомобилларга зарар етказиши мумкин», — дейилади ҳокимлик ахборотида.
«Шу сабабли автомобилларингизни дарахтлардан узоқроқ, хавфсиз жойга қўйишингизни илтимос қиламиз. Ўз мулкингизни бахтсиз ҳодисалардан асранг», — дея қўшимча қилинган Тошкент шаҳар ҳокимлиги мурожаатида.
Аввалроқ, 27 апрель оқшомида Бухоро вилоятида ёмғир аралаш кучли шамол юз бериб, ҳодиса ва унинг оқибатлари ҳақидаги фото ва видеолар ижтимоий тармоқларда тарқалгач, пойтахт расмийлари 28 апрелга ўтар кечаси автомобиль эгаларини шамолдан огоҳлантириб чиққан эди.
Изоҳ (0)