Toshkent shahar hokimligi 3-may, yakshanba kuniga, o‘tar kechasi kuchli shamol va yog‘ingarchilik kutilayotani bois shahar aholisiga murojaat qildi. Hokimlikning qayd etishicha, shamol daraxt shoxlarini sindiradigan darajada kuchli bo‘lishi mumkin.
“3-mayga o‘tar kechasi poytaxtimizda kuchli shamol va yog‘ingarchilik bo‘lishi kutilmoqda. Bu esa daraxt va ularning shoxlarini sinishiga sabab bo‘lib, uning ostida va yaqinida turgan avtomobillarga zarar yetkazishi mumkin”, — deyiladi hokimlik axborotida.
“Shu sababli avtomobillaringizni daraxtlardan uzoqroq, xavfsiz joyga qo‘yishingizni iltimos qilamiz. O‘z mulkingizni baxtsiz hodisalardan asrang”, — deya qo‘shimcha qilingan Toshkent shahar hokimligi murojaatida.
Avvalroq, 27-aprel oqshomida Buxoro viloyatida yomg‘ir aralash kuchli shamol yuz berib, hodisa va uning oqibatlari haqidagi foto va videolar ijtimoiy tarmoqlarda tarqalgach, poytaxt rasmiylari 28-aprelga o‘tar kechasi avtomobil egalarini shamoldan ogohlantirib chiqqan edi.
Izoh (0)