Ўзбекистонда коронавирус тарқалишининг олдини олиш мақсадида халқаро авиақатновлар жорий йилнинг 30 июнигача тикланмайди. Бу хабарни «Дарё»га Uzbekistan Airways компанияси тасдиқлади.
Қайд этилишича, 30 июнга қадар авиачипталар сотиш ҳам тўхтатилади. Қатновларни тиклаш масаласи дунёдаги вазиятга кўра қайта кўриб чиқилади.
Эслатиб ўтамиз, Шавкат Мирзиёевнинг топшириғига мувофиқ, коронавируснинг кириб келиши ва тарқалишининг олдини олиш юзасидан чора-тадбирлар дастурини тайёрлаш бўйича Республика махсус комиссиясининг қарори билан 30 март куни соат 00:01 дан 20 апрель соат 00:01 га қадар Ўзбекистондаги мавжуд барча аэропортлар ёпилиб, авиақатновлар бутунлай тўхтатилганди.
Республикадаги аэропортлар иш фаолияти ва авиапарвозларнинг қайта тикланиши ёки чеклов чораларининг узайтирилиши Республика махсус комиссияси томонидан эълон қилинади.
Изоҳ (0)