Буюк Британияда 28 апрель ҳолатига кўра, бир сутка ичида 586 нафар одам коронавирус инфекциясидан вафот этди. Касалланганлар сони 3996 нафарга кўпайган, вафот этганларнинг умумий сони эса 21,6 мингга етган. Бу ҳақда қироллик соғлиқни сақлаш вазири Мэтт Ҳенкок Даунинг-стритда ҳар куни ўтказиладиган брифингда маълум қилган, деб ёзмоқда Reuters.
COVID-19 сабаб вафот этганларнинг умумий сони 21 678 нафарни ташкил қилган (бир кун аввал ушбу рақам 21 092 га тенг эди), касалланганлар эса 161 145 нафарни (бир кун аввал 157 149) ташкил қилмоқда, деган вазир.
26 апрелда эълон қилинган статистикада Британияда 360 киши коронавирусдан ўлгани ва бу охирги тўрт ҳафта ичидаги энг паст кўрсаткич экани маълум қилинганди. Бироқ хабардор қилиш тизимлари дам олиш кунлари тўлиқ ишламайди, шу сабабли 28 апрелга бориб рақам кутилганидан кўра каттароқ экани маълум бўлди: касалланганлар сони эса 4 310 нафарга кўпайган.
Мавзуга доир:
Изоҳ (0)