АҚШ президентининг иқтисодий маслаҳатчиси Питер Наварронинг маълум қилишича, Хитой COVID-19’га қарши антитанани аниқловчи сифатсиз тест тизимларини экспорт қилиб, коронавирус билан боғлиқ вазиятдан фойда олмоқда. Бу ҳақда Fox News хабар берди.
Унинг сўзларига кўра, Хитойдан кириб келаётган антитанани аниқловчи сифати паст тест тизимлари нотўғри натижани кўрсатади.
Наварро Хитой коронавирус тарқалишини олти ҳафта давомида яширганини маълум қилган ва Хитойни коронавирусни тарқатишда айблаган. Унинг сўзларига кўра, Хитой ҳукумати вирус тарқалишини Ухань шаҳрининг ўзида чеклаши мумкин бўлган, бироқ у бу ишни қилмаган.
Мавзуга доир: Европа мамлакатлари Хитойда ишлаб чиқарилган сифатсиз ниқоб ва коронавирус тестларидан бош тортди
АҚШ президенти Дональд Трамп ҳам Хитой ҳукуматининг мамлакатда коронавирусдан вафот этганлар сони ҳақидаги маълумотларига шубҳа билан қараган. Шунингдек, Трамп коронавируснинг келиб чиқиши бўйича текширув ўтказилиши ҳақида маълум қилган.
Аввалроқ Трамп АҚШда коронавирус билан боғлиқ вазият яхшиланаётганини маълум қилгани, Хитой коронавирус тарқалишини тергов қилаётган Австралияни огоҳлантиргани ҳақида хабарлар берилганди.
Изоҳ (0)