Тошкент тиббиёт академияси кўп тармоқли клиникасида коронавирус билан хасталанган 24 нафар бемор буткул соғайди. Бу ҳақда Соғлиқни сақлаш вазирлиги хабар берди.
Соғайганларнинг 20 нафари Тошкент шаҳрида яшайди. Шунингдек, Сурхондарё, Фарғона, Сирдарё ва Тошкент вилоятларида яшовчи 1 нафардан фуқаро ҳам касалликдан тузалганлар қаторидан ўрин олган. Улардан 5 нафари Туркиядан Истанбул—Тошкент йўналишида, 4 нафари Россиядан Москва—Тошкент йўналишида чартер рейслар орқали келган ва карантинга олинган. Уларда коронавирус аниқлангач, клиникага ётқизилган. Қолган 15 киши коронавирус инфекциясига чалинганлар билан мулоқот орқали касалликни юқтириб олган.
Беморлардан 11 нафари эркак, 13 нафари аёл. Улар орасида энг каттаси 65 ёшда, энг кичиклари эса 11 ойлик ва 1 ёшли чақалоқлар ҳисобланади.
Ушбу клиникада шу пайтга қадар COVID-19 касаллигидан тузалганлар сони 87 нафарга етди. Ўзбекистон бўйича коронавирус инфекциясидан буткул соғайганлар сони эса 958 нафарга етди.
Аввалроқ Ўзбекистонда коронавирусга чалиниб, шифохонага жуда оғир аҳволда олиб келинган 72 ёшли бемор соғайгани ва мамлакатда соғайганлар 934 нафарга етгани ҳақида хабар берилган эди.
Ўзбекистонда 28 апрель соат 14:00 ҳолатига кўра, коронавирус инфекциясини юқтириб олганлар сони 15 кишига кўпайиб, 1939 нафарга етди. 15 мартдан буён мамлакатда коронавирусга чалинган беморларнинг саккиз нафари вафот этди,
Изоҳ (0)