Бухоро вилояти Соғлиқни сақлаш бошқармасининг берган маълумотига кўра, 28 апрелга ўтар кечаси кузатилган кучли шамол оқибатида 41 нафар фуқарога тан жароҳати етган.
«Шундан, 32 нафарига енгил, 7 нафарига ўрта ва 1 нафар фуқарога оғир тан жароҳати етди», — дейилади Бухоро вилояти ҳокимлиги ахборотида.
Енгил ва оғир тан жароҳати етган 8 нафар фуқаро тиббиёт муассасасига ётқизилган. 32 нафарига биринчи тиббий ёрдам кўрсатилиб, уйга жавоб берилди.
Вилоят Фавқулодда вазиятлар бошқармаси бошлиғи ўринбосари Дилмурод Янгиевнинг «Дарё»га маълум қилишича, тан жароҳати олган фуқароларнинг 50 фоизи Бухоро шаҳридан, 20—25 фоизи Олот ва Қоракўл туманларидан.
Аввалроқ жабрланувчилардан бири вафот этгани ҳақида хабар берилган эди.
Изоҳ (0)