«Ўзгидромет»нинг хабар беришича, 27 апрель куни бу йилги апрелнинг энг иссиқ куни бўлди, кун ўртасида ҳаво 34 даражагача, жанубда ва чўл зонасида эса 37 даражагача исиди. Фақат республиканинг шимолий туманларига навбатдаги нам ҳаво оқими кирди.
Кечга бориб Қорақалпоғистон Республикаси ҳамда Хоразм вилоятининг айрим жойларида ёмғир ёғиб, момақалдироқ бўлиши кутилмоқда. Ҳарорат бошқа жойларга қараганда пастроқ, 23-28 даража атрофида бўлади. 27 апрель куни кечаси ва 28 апрель куни эрталаб республиканинг шимолий туманларида ёмғир давом этади, шунингдек, Бухоро ва Навоий вилоятларида ҳам ёмғир ёғиши кутилмоқда.
28 апрель, сешанба куни, кундузи ёғингарчилик зонаси республиканинг марказий ва жанубий ҳудудига кўчади. 28 апрель куни кундузи ва 29 апрель куни Тошкент, Самарқанд, Жиззах, Сирдарё, Қашқадарё ва Сурхондарё вилоятларида вақти-вақти билан ёмғир ёғади момақалдироқ бўлиши мумкин.
28 апрель куни айрим жойларда шамолнинг тезлиги секундига 15-20 метргача кучайиши мумкин. Фарғона водийси вилоятларида 29 апрель кечга бориб ёмғир ва момақалдироқ бўлиши мумкин. Республика ҳудуди бўйлаб босим кўтарилади, ҳарорат эса пасаяди ва 29 апрелда 20-25 даражани ташкил қилади.
30 апрель ва 1 май куни бутун Ўзбекистон ҳудудида об-ҳаво ёғингарчиликсиз бўлади, 2 майда эса икки кунлик танаффусдан сўнг республикада яна ёмғир ёғиши мумкин. Бу кунларда ҳарорат 23-28 даража атрофида бўлади.
Маълумот учун, энг иссиқ йилларда Тошкентда апрель ойи охирида ҳаво ҳарорати 34-35 даражагача кўтарилган, 2006 йил 27 апрелда эса 36,4 даражани ташкил қилиб, апрель ҳароратининг мутлақ рекордига эришган.
Изоҳ (0)