АҚШнинг Нью-Йорк шаҳри олимлари жиғилдон қайнашига қарши ишлатиладиган фамотидин препаратини COVID-19 билан хасталанган беморларни даволашда қўллаш мақсадида унинг клиник синовларини бошлади. Бу ҳақда Science журнали хабар берди.
«Тиббиёт тарихида бир мақсадга мўлжалланган дори бошқа касалликда ҳам ёрдам бериши мумкин бўлган кўплаб мисоллар мавжуд. Одамлар умид қилмоқда. Биз бу клиник синовларни ўтказишимиз керак», — деб маълум қилган Файнштейн номидаги тиббий тадқиқотлар институти президенти Кевин Трейси.
Унинг қўшимча қилишича, агар фамотидин иш берса, уни ҳамма жойда қўллаш мумкин бўлади, чунки у универсал ва арзон ҳисобланади ва уни ҳамма жойда топиш мумкин. Трейсининг сўзларига кўра, фамотидиннинг дастлабки синовлари натижалари яқин бир неча ҳафта маълум бўлиши мумкин.
Клиник синовлар давомида препарат беморларнинг вена қон томирига юборилади. Унинг дозаси жиғилдон қайнашида қўлланиладиган дозадан тўққиз марта кўп бўлади. Бугунги кунда дори воситаси 187 кишида синовдан ўтказилмоқда, уларнинг сонини 1200 кишигача ошириш режалаштирилмоқда.
Эслатиб ўтамиз, АҚШда безгакка қарши хлорохин препаратини коронавирусга чалинган беморларни даволашда қўллаш бўйича синовлар тўхтатилди. Тажрибалар вақтида аввал тахмин қилинганидек, айрим беморлар юрагида муаммолар кузатилди ва 20 нафар кўнгилли ушбу ҳолат оқибатида вафот этди.
Мавзуга доир:
- Олимлар COVID-19’га қарши курашнинг 4 хил стратегиясини белгилаб берди
- АҚШда дунёда биринчи марта коронавирус вакцинаси одамда синаб кўрилди
- Канадалик олимлар коронавирус кўпайишини блокловчи препаратни топди
- Россия Соғлиқни сақлаш вазирлиги мамлакатда коронавирусга қарши препарат ишлаб чиқилганини эълон қилди
Изоҳ (0)