Наманган вилояти Наманган шаҳрида 26 апрель, якшанба куни, соат 15:45 ларда одам ўлими билан якунланган йўл-транспорт ҳодисаси содир бўлди. Бу ҳақда ЙҲХББ хабар берди.
Ҳодиса 4Р 112 Фарғона ҳалқа йўли автомобиль йўлининг 78-километрида юз берган. 1959 йилда туғилган Н.Ғ. бошқарувидаги Isuzu юк машинаси йўлни кесиб ўтаётган пиёдани уриб юборган.
ЙТҲ оқибатида 2000 йилда туғилган А.Ш. исмли қиз оғир тан жароҳати олиб шифохонада вафот этган.
Апрель ойининг тўртинчи ҳафтасида одам ўлими билан якунланган яна бир нечта ЙТҲ содир бўлди. 20 апрель куни Муборак туманида Spark ва «Зил» тўқнашуви оқибатида 32 ёшли Spark ҳайдовчиси, 21 апрель куни Бойсун туманида Nexia қўйларни ҳайдаб кетаётган чўпонни уриб кетиши оқибатида 28 ёшли чўпон, Чирчиқ шаҳрида Nexia-3 пиёдани уриб юбориши оқибатида 60 ёшли пиёда, Сариосиё туманида Captiva велосипедчини туртиб юбориб, сўнг деворга урилиши оқибатида 31 ёшли йўловчи, Конимех туманида Nexia-3 ағдарилиб кетиши оқибатида 24 ёшли ҳайдовчи, Қамчиқ довонида тормози ишламай қолган юк машинаси тоғга урилиши оқибатида 37 ёшли ҳайдовчи вафот этганди.
Изоҳ (0)