Жанубий Кореянинг Hyundai Global Design Center раҳбари ва катта президенти ҳисобланувчи Сан Юп Ли Prophecy ва 45 EV шоу-карлари версиясини серияли ишлаб чиқариш тўғрисидаги режалари билан бўлишди, деб хабар беради Autorambler.
«45 серияли концепт версиясидан сўнг Prophecy пайдо бўлади. 45 ўтган асрнинг 70 йиллари руҳида жиҳозланган, Prophecy эса 30 йиллар машиналари дизайнини ўзида мужассамлаштирган. Иккала автомобиль ҳам дизайн соҳасидаги потенциалимизни намойиш этади», — дейди Сан Юп Ли.
Иккала шоу-карга ҳам электромоторлар ўрнатилган. Платформаси ҳам умумий — E-GMP бўлиб, бу турли ўлчамдаги автомобилларни яратиш имконини беради. «Бизнинг автомобилларимиз шахмат тахтасидаги доналарни ёдга солади. Уларнинг барчаси турли кўринишга ва функцияларга эга, бироқ улар биргаликда бир жамоа. Бренднинг идентификацияси учун радиатор панжараси ва бош оптика бир хил бўлиши керак деган фикрлар бор, аммо бу турдаги стереотипларни йўққа чиқармоқчимиз. Шу сабабли машиналар бир-бирига умуман ўхшамайди», — дейди компания вакили.
45 EV ҳамда Prophecy’нинг техник тавсифлари ҳозирча ошкор этилмаган. 45 модели 2020 йил охирига қадар тақдим этилса, седан 2021 йилдан бошлаб серияли ишлаб чиқарила бошлайди.
Мавзуга доир: Интернетда салони балиқ тутишга мўлжалланган тўрдан ишланган Polestar шоу-карининг тасвирлари пайдо бўлди
Изоҳ (0)